Bourso-à-pastre
Capsella bursa-pastoris subsp. pastoris
Brassicaceae Cruciferae
Àutri noum : Erbo-dóu-cor, Erbo-de-l'evangèli, Carnié-de-pastre, Nastou-fèr, Nestoun.
Nom en français : Bourse-à-pasteur.
Descripcioun :Lou biais lou mai eisa pèr la recounèisse èi de segur si pichot boursèu en formo de cor (l'erbo-dóu-cor) que dounon d'èr i bourso di pastre d'à passa tèms. Coume flouris dins li champ quàsi tout de long de l'annado es eisa de la rencountra. Isto peréu la meno rubella, rouginasso, emé de boursèu un pau mai larg.
Usanço :La bourso-à-pastre rintro dins la coumpousicioun de l'ensalado champanello, mai tout se manjo dins aquelo planto, di racino i flour. De la meme famiho que la moustardo (Brassicaceae), n'a tambèn un pau lou goust. Li chinés la cultivon coume liéume. Ei couneigudo peréu pèr èstre vertuouso contro li proublèmo de circulacioun dóu sang (cambo lourdo, moureno...).
Port : Erbo
Taio : 5 à 40 cm
Fueio : basalo
Tipe bioulougico : Teroufite
Cicle bioulougico : Planto de l'an
Gènre : Capsella
Famiho : Brassicaceae
Famiho classico : Cruciferae
Ordre : Brassicales
Coulour de la flour :
Blanco
Petalo : 4
Ø (o loungour) flour : 3 mm
Flourido : Printèms
Autouno - Ivèr
Sòu : Ca
Autour basso e auto : 0 à 1800 m
Aparado : Noun
Remarco : Ensalado champanello
Janvié à desèmbre
Liò : Champ
- Ermas
- Camin
- Escoumbre e proche dis oustau
Estànci : Termoumediterran à Subaupen
Couroulougi : Bourealo
Ref. sc. : Capsella bursa-pastoris subsp. pastoris (L.) Medik., 1792
Mousso-tèco-drecho-sedouso
Homalothecium sericeum
Brachytheciaceae
Nom en français : Thèque droite soyeuse.
Descripcioun :Aquelo mousso pluroucarpo bèn coumuno trachis subretout à la baso de pège e peréu sus li roco ounte pòu proun s'espandi. Se recounèis pulèu eisadamen un cop seco emé si ramo enarcado que dounon d'èr à de toro. Li fueio soun en triangle emé 2 à 4 rufo alor que la costo fai de 4 part 3 de la loungour. Estounamen aquelo meno coumuno es aparado e marcado sus listo roujo, categourìo LC valènt à dire soucit minour (bessai qu'es acampado dins d'ùnis endré).
Usanço :Se pòu engana emé Homalothecium lutescens, pamens aquelo radiero èi pas tant ramado e si rizoïde soun estaca à la baso (sus tout lou long pèr Homalothecium sericeum). Coumpara emé la mousso-tèco-drecho-daurado.
Port : Pluroucarpo
Taio : 3 à 8 cm
Fueio : 1,8 à 2 mm
Tipe bioulougico :
Cicle bioulougico : Planto renadivo
Gènre : Homalothecium
Famiho : Brachytheciaceae
Ordre : Hypnales
Coulour de la flour :
Petalo : 1,5 à 2 cm
Ø (o loungour) flour : Coumplet
Flourido : Printèms
Ivèr
Sòu : Ca (Si)
Autour basso e auto : 10 à 2000 m
Aparado : Noun
Janvié à abriéu
Liò : Pège
- Roco
- Muraio
- Sòu
Estànci : Mesoumediterran à Subaupen
Couroulougi : Oulartico
Ref. sc. : Homalothecium sericeum (Hedw.) Schimp., 1851
